काठमाडौँ । ज्यान मुद्दामा २० वर्ष कैद सजाय हुने ठहर भएका दम्पतीलाई प्रहरीले कपिलवस्तुबाट पक्राउ गरेको छ । पक्राउ पर्नेमा दाङको राप्ती गाउँपालिका घर भएर कपिलवस्तुको शिवराज नगरपालिका बस्दै आएका जित बहादुर दमाई र नमी दमिनी छन् ।
दाङको इलाका प्रहरी कार्यालय भालुवाङबाट खटिएको टोलीले उनीहरूलाई पक्राउ गरेको हो । जिल्ला अदालत दाङले उनीहरु विरुद्ध २०५७ असोजमा २० वर्ष कैद सजाय हुने फैसला गरेको थियो ।
